Hey,Class 5 tak meri duniya simple thi.

School, dost, hasi, ghar sab theek tha.Mujhe lagta tha problems sirf TV serials mein hoti hain.Real life mein nahi.

Hamare ghar main ek aunty aati joki humare “relation main  thi" Pehle mujhe unka aana jana , mere family m jada interfere krna normal lagta tha. Unka Ghar aana, baithna, baatein karna.Dheere dheere maine notice kiya ki woh thodi zyada hi close hone lagi thi papa ke saath.

Bachpan mein intuition hota hai…par samajh nahi hoti.Mujhe kuch ajeeb lagta tha, par main ignore karti thi.

Phir ek din galti se nahi, kismat se maine chupke se sabki baatein sun li.Aur us din mujhe pata chala ki papa aur unke beech “sirf rishtedari” nahi thi.

Sabko pata tha. Bhai ko. Maa ko Baaki family ko bhi. Bas mujhe nahi.

Shayad isliye woh din sirf sach jaanne ka din nahi tha…woh din meri bachpani soch ke khatam hone ka din tha.

Uske baad ghar ki hawa badalti mehsus hone lgi quki frr meri maa rone lge thi unki aankhoo m vo khushi ki chmak  ग़ायब  hone lgi thi aksr main dekhti thi maa shant se hogyi aur jadatr lost rhti thi bt bchpane m aakr kbhi itna soch hi nhi payi ki vo preshan hoskti hai ,Maa aur papa ke beech ek halka sa distance pehle tha,

par ab woh darar banne laga. Awazein tez hone lagi.Khamoshiyan aur tez ho gayi.

Main tomboy thi,Strong thi.Ladko ke saath rehne wali ladki ,Par us phase mein main sirf ek beti thi jo samajhne ki koshish kar rahi thi

ki ghar tootna kaisa hota hai. Us din ke baad se main hass to rahi thi bt vo hassi ab srf hassi thi muskan gayb hogyi thi sayad kuch hi dino m mera bchpan or bachpana khtm hogya tha. Shayad wahi se meri kahani seedhi nahi rahi.