Class 5 tak meri life bilkul simple thi. Pyaar tha dosto ka bhi, family ka bhi. School mere liye sirf padhai ki jagah nahi tha, wo meri duniya thi

 

''Main hasti thi bina soche, ladti thi bina darr ke,

 jeeti thi bina kisi wajah ke. Mujhe lagta tha life hamesha aisi hi rahegi.''

Par shayad har kahani ka ek turning point hota hai. Dheere dheere cheezein badalni shuru hui. Dostiyan complicated hone lagi. Feelings naam ki ek nayi cheez life me aayi. Aur pehli baar mujhe akela pan ka matlab samajh aaya. Us waqt laga bas ek chhoti si cheez hai.

Par aaj samajh aata hai wahi se main thodi si alag ho gayi thi. Aur sirf school nahi, ghar me bhi hawa badalne lagi thi. Family me problems shuru hui un cheezon ki jinke bare me bachche normally nahi sochte.

Main strong thi… ya shayad strong banne ki acting kar rahi thi. Tomboy wali main ab bhi thi, par andar kuch soft sa toot raha tha. Shayad wahi phase tha jab meri life ne pehli baar mujhe badla. Aur aaj main yeh chapter isliye likh rahi hoon kyunki koi bhi change ek din me nahi aata wo dheere dheere insaan ko बदल deta hai